Анвар Куттубаева

Wikipedia дан
Jump to navigation Jump to search
Куттубаева Анвар
Жалпы маалымат
Төрөлгөндө берилген аты: Куттубаева Анвар
Туулган жылы: 1915-жыл
Өлгөн жылы: 1977-жыл
Туулган жери: Фрунзе шаары, Кыргызстан
Өлгөн жери: Фрунзе шаары, Кыргызстан
Сөөгү: Ала-Арча көрүстөнүнө коюлган, Бишкек шаары, Кыргызстан
Өлкө: CCCР желеги СССРКыргызстан желеги Кыргызстан
Ишмердүүлүгү: театр артисти , ырчы
Наамдары:

Кыргыз ССРинин эл артисти

Куттубаева Анвар – театр артисти, ырчы.

Өмүр баяны[оңдоо | булагын оңдоо]

Куттубаева АнварКыргыз ССРинин эл артисти (1939).
Фрунзе педтехникумунда окуп, актёрдук чыгармачылыгын андагы драма ийриминен баштаган.
1929-жылы кыргыз театр студиясына кирген. А. Островскийдин «Жок жерден табылган алтынында» Настянын, К. Жантөшөвдүн «Карачачында» Карачачтын ролун ойногон.
Жөндөмдүү вокалист Куттубаева (сопрано) музыкалык драма спектаклдеринде жана операларда: Зулайканын (Ж. Турусбеков, «Ажал ордуна»), Чынардын (Ж. Бөкөнбаев, “ Алтын кыз”, Калыймандын (В. Власов. А. Малдыбаев жана В. Фере, «Айчүрөк»), Чолпондун (М. Раухвергер, «Көкүл») партияларын аткаруу менен кыйла ийгиликке жетишкен, элдик ырларды да мыкты аткарган.
1946-жылдан кыргыз филармониясында иштеп, улуттук бий ансамблин жетектеген.
1952-жылдан Кыргыз драма театрында иштеген.
Куттубаева комедиялуу ролдорду да зор чеберчилик менен аткарган.

Негизги ролдору[оңдоо | булагын оңдоо]

Карачач (К.Жантөшөв «Карачач")
Анна Павловна (К.Крапива, “Акыркы күлгөндүн арманы жок”)
Калбүбү (Т.Абдумомунов «Атабектин кызы»)
Феклуша (А.Островский, «Добул») жана башка.

Сыйлыктары[оңдоо | булагын оңдоо]

Ленин ордени
Эмгек Кызыл Туу ордени
«Ардак Белгиси» ордендери жана медалдар менен сыйланган.

Колдонулган адабияттар[оңдоо | булагын оңдоо]

  • Чүй облусу энциклопедия. Бишкек-1994-ж.
  • "Манас" энциклопедиясы/Мамлекеттик тил жана энциклопедия борбору.Бишкек: Кыргыз энциклопедиясынын Башкы редакциясы, - 1995. 1-т. - 440 б. ISBN -5-89750-013-4