Аспирин
Аспирин (лат. Acidum spiricum) — ацетилсалицил кислотасынын коммерциялык аталышы. Бул зат салицил кислотасынан алынган жана 1853-жылы биринчи жолу синтезделген.
Тарыхы
[түзөтүү | булагын түзөтүү]Дарылоо практикасына аспиринди немис дарыгери Феликс Хоффман киргизген. Ал аспиринди температураны түшүрүү, сезгенүүгө каршы күрөшүү жана баш оору, невралгия, кызыл жүгүрүк, ашказан ооруларында колдонгон. Убакыттын өтүшү менен аспирин кеңири тараган дарыга айланды. 20-кылымдын ортосунда аспириндин антитромбоциттик (кан уюусун азайтуучу) таасири аныкталып, бул өзгөчөлүгү үчүн антиагрегант катары да колдонулуп келет. Аз дозада үзгүлтүксүз колдонулганда инсульт жана инфаркттын алдын алуу үчүн сунушталат.
Колдонуу
[түзөтүү | булагын түзөтүү]Аспиринди колдонууда айрым терс таасирлер байкалышы мүмкүн:
- Баш айлануу
- Угуу начарлоосу
- Аллергиялык реакциялар
- Ашказандагы кычкылдык көбөйүүсү
Аспиринди тамактан кийин, сууга эритип ичүү сунушталат. Бул ашказанга болгон терс таасирин азайтууга жардам берет.
Бул дары кээ бир комплекс дары-дармектердин курамында да бар. Мисалы:
- Цитрамон
- Седальгин
- Алькоприм
Аспиринди негизсиз жана узак убакыт колдонуу ден соолукка зыян алып келиши мүмкүн. Ошондуктан аны дарыгердин сунушу менен гана колдонуу сунушталат.
Колдонулган адабияттар
[түзөтүү | булагын түзөтүү]- “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1