Атлантика бою ойдуңу
Атлантика бою ойдуңу - Түндүк Америкада. АКШнын Атлантика жээгиндеги Нью-Йорктон Флорида жарым аралынын түштүк четине чейин созулуп жатат. Жазылыгы 30дан 350 кмге чейин. Акиташ тегинен ж-а кумдуктан турат. Жеринин бети жайпак (бийиктиги 100 мге чейин), жээги саздуу. Климаты субтропиктик муссон тибинде, Флориданын түштүгү тропиктик, мырза карагай ж-а эмен өсөт, саздуу. Пахта, тамеки, жемиш багы өстүрүлөт. Негизги шаарлары: Нью-Йорк, Филадельфия, Балтимор, Вашингтон.
Колдонулган адабияттар
[түзөтүү | булагын түзөтүү]- “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14—046—1