Аустенит

Wikipedia дан
Jump to navigation Jump to search

Аустенит - көмүртек жана легирлөөчү элементтердин гамма-темирдеги катуу уютмасы; темир-көмүртектүү катуу куйманын составдын бөлүгү.

Аустенит англ. окумуштуу У. Роберто-Остендин (1843-1902) ысмы менен аталган. Темир менен көмүртектин куймасында Аустениттин бар экендигин темирди жана болотту 1120°С температурада кургак хлордуу суутек менен жедирүү (ойдуруу) аркылуу орус окумуштуусу А. А. Байков 1909-ж. далилдеген.

Аустенит магниттүү эмес, тыгыздыгы болоттун башка структуралык түзүүчүлөрүнөн көбүрөөк. Аустенит анча катуу эмес, серпилгичтиги азыраак, жогорку бекемдикке жана илээшкектик касиетке ээ.

Колдонулган адабияттар[оңдоо | булагын оңдоо]

Кыргыз Совет Энциклопедиясы. Башкы редактор А. Табалдиев. -Фрунзе: Кыргыз Совет Энциклопедиясынын башкы редакциясы, 1976. Том 1. А - Бюулук -608 б.