Болот Шер

Болот Шер
Желек Жогорку Кеңештин депутатты желек
2010 — 2015
Ички Иштер Министрлиги Убактылуу өкмөт (2010-2011)
7-апрель 2010 — 2010
Өкмөт башчысы:	Роза Отунбаева
Андан мурунку:	Молдомуса Конгантиев
Дини:	Ислам
Туулган жери:	Пушкино (учурда Чоң-Капка айылы), Манас району, Талас Кыргыз ССРи, СССР
Атасы:	Эсентай
Апасы:	Арна
Партиясы:	«Ата-Мекен»
Билими:	СССРдин ИИМ Фрунзедеги атайын милиция мектебин бүтүргөн
Кесиби:	Саясатчы
Сыйлыктары:	3- даражадагы «Манас» орени

Болот Шер толук ысымы Шерниязов Болотбек Эсентаевич (1-май 1959 Пушкино, Манас району, Кыргыз ССРи — 21-июнь 2020 Бишкек, Кыргызстан ) — Кыргызстандык саясатчы жана мамлекеттик ишмер. Убактылуу өкмөт учурундагы Кыргызстандын Ички Иштер Министрлиги. Милициянын Генерал-лейтенанты "Ата Мекен" фракциясынан V чакырылыштагы Жогорку Кеңештин депутаты ошондой эле эл аралык “Көк-Бөрү” федерациясынын негиздөөчүсү.

Өмүр баяны

Болот Шер 1959-жылы 1-майда Талас облусунун Манас районундагы Чоң-Капка кыштагында жарык дүйнөгө келген.

• 1988-жылы СССРдин Ички иштер министрлигинин Фрунзедеги атайын милиция мектебин бүтүргөн.
• 1977-1979-жылдары СССРдин Куралдуу Күчтөрүнүн катарында кызмат өтөгөн.
• 1982-1991-жылдары Кыргыз ССРинин ИИМинин милиция органдарында кызмат кылган.
• 1994-жылы Талас облусунун Манас райондук эл депутаттарынын Үч-Коргон айылдык кеңешине депутат болгон.
• 2000-жылдын февралында II чакырылыштагы Кыргыз Республикасынын Жогорку Кеңешинин Эл өкүлдөр жыйынынын депутаты болуп шайланган.
• 2000-2004-жылдары Жогорку Кеңештин Жаштар иши, спорт, туризм, коомдук бирикмелер жана жалпыга маалымдоо каражаттары менен байланыш боюнча комитетин жетектеген.
• 2005-жылы Талас шайлоо округу боюнча III чакырылыштагы Кыргыз Республикасынын Жогорку Кеңешинин депутаты болуп шайланган.
• 2006-2007-жылдары Жогорку Кеңештин төрагасынын орун басары болгон.
• 2010-жылы Кыргыз Республикасынын Убактылуу өкмөтүндө ички иштер министри кызматын аркалаган.
• 2010-жылдын октябрында “Ата Мекен” социалисттик партиясынын тизмеси боюнча V чакырылыштагы Кыргыз Республикасынын Жогорку Кеңешинин депутаты болуп шайланган. Ошол эле жылы Кыргыз Республикасынын Президентинин жарлыгы менен кайра аттестациялоо тартибинде "генерал-лейтенант" наамы ыйгарылган.
• 2011-жылы КРнын Президентинин Жарлыгы менен III даражадагы мамлекеттик жогорку "Манас" ордени менен сыйланган. Болот Шер мамлекеттик кызматтын II класстагы мамлекеттик кеңешчиси, Эл аралык “Көк-Бөрү” федерациясынын негиздөөчүсү.