Гадельшин Хамит Габдулович
Гадельшин Хамит Габдулович - (10.7.1923, Башкырт АССРи, Бишбулак району, Аитов кыштагы) Советтер Союзунун Баатыры (1944). Полковник. Советтик Армияга 1941-ж. августта Фрунзе шаарынан чакырылып, ошол жылы Ташкендеги байланышчылардын аскердик окуу жайын бүткөн. Улуу Ата Мекендик согушта 3-Украин фронтунун 31-аткычтар дивизиясында байланыш ротасында улук радиотелеграфист. Украинаны баскынчылардан бошотууда душмандын терең тылына 8 жолу барып, баалуу маалыматтарды рация аркылуу билдирген. 1943-ж. 27-сентябрда Днепр дарыясынан өтүүдө (Сошиновка кыштагы) эрдик көрсөткөн. Согуштан кийин Ленинград аскердик байланыш окуу жайын жана Аскердик байланыш академиясын бүтүргөн. 1969-жылдан запаста. Фрунзе шаарындагы кесиптик-техникалык окуу жайында эмгектенген.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4