Гиерон
Гиерон — Сицилиядагы Сиракуз шаарынын бийлөөчүлөрү.
Улуу Гиерон I (так жылы белгисиз — б. з. ч. 467) — Гела шаарынын башкаруучусу (484—478), Сиракуз державасынын (478—467) туңгуч ирет архонт деген титул алган тираны. 474-ж. Кум шаарынын жанында этрустардын флотун талкалап, Түш. Италиянын шараларын караткан. Анын тушунда Сиракуз державасы күчөгөн. Кичүү Гиерон II (б. з. ч. 306-ж. ченде т.— 215) — Сиракуздун тираны.
268—215-ж. ченде падыша деген титул алган. 265-ж. мамертиндиктер менен күрөштө ийгиликке жетишкен. Биринчи Пуни согушу (264—241) башталганда карфагендиктерди колдосо да, 263-ж. Рим менен тынчтык договорун түзгөн. Экинчи Пуни согушунда (218—201) Рим тарабында болгон. Гиерондордун экөө тең дыйканчылык, кол өнөрчүлүк, аскер техникасынын өнүгүшүнө көмөк көрсөткөн.
Колдонулган адабияттар
[түзөтүү | булагын түзөтүү]Кыргыз Совет Энциклопедиясы. Башкы редактор Б. О. Орузбаев. -Фрунзе: Кыргыз Совет Энциклопедиясынын башкы редакциясы, 1977. Том 2. В - Иридий. -672 б.