Жети-Өгүз курорту

Отурукташкан жай
Жети-Өгүз (курорт)
Район Кыргызстан
Координаттар 42°19′48″ с. ш. 78°14′18″ в. д.HGЯO
Тарыхы жана Географиясы
Убакыт аралыгы UTC+6
Калкы
Калкы 330[1] адам (2020)
Сандык идентификаторлор
Жети-Өгүз курорту (Кыргызстан)

Жети-Өгүз курортуЫсык-Көл облусун Жети-Өгүз районундагы климаттык-бальнеологиялык курорт. Каракол шаарынан 28 км түштүк-батыш жана Ысык-Көлдөн 30 км түштүк тарапта, Тескей Ала-Тоонун Түндүк капталындагы Жети-Өгүз капчыгайынын карагай токойлуу кооз жеринде, деңиз деңгээлинен 2200–2400 м бийиктикте жайгашкан. Жайы мелүүн, июль айынын орточо температурасы 15°С, кышы да мелүүн, кар көп түшөт, январь айынын орточо температурасы –9°С. Жылдын орточо жаан-чачыны 500 мм чамасында, чөйрөнүн орточо нымдуулугу 65%. Мындагы минералдуу ысык (41°С) булактардын дарылык касиеттери жергиликтүү элге байыртан белгилүү болгон. 1857-жылы П. П. Семёнов-Тян-Шанский булактарды сыпаттап жазган. 1910-жылы атайы үй курулуп, жыгач ванналар пайдаланылган. 1931-жылдан курорт куруу колго алынып, 1940-жылы эки имараты пайдаланылууга берилген. Дарылоо радондуу, хлорид натрий-кальцийлүү жана азоттуу ысык булак сууларынын ванна жана бассейндерине түшүрүү, ошондой эле тоо климатынын таасирин тийгизүү менен жүргүзүлөт. Ванна, душ, денени чайкоо жана ичүү аркылуу муун, ичеги-карын, боор, нерв жана дем алуу системаларынын, гинекол. жана кээ бир тери ооруларын дарылайт.

Калкы[түзөтүү | булагын түзөтүү]

сентябры 2009.

Калкы - 330 киши (2020)[1].

Колдонулган адабияттар[түзөтүү | булагын түзөтүү]

Булактар[түзөтүү | булагын түзөтүү]