Жумагулов, Сулайман

Wikipedia дан
Jump to navigation Jump to search

Жумагулов Сулайман (1923-ж. т., Талас району, Көпүрө-Базар айлы) — физик-математик, философия илимдеринин кандидаты (1968), профессор (1991).

1953-ж. КМУнун физика-математика факультетин бүткөн.
1953—58-ж. партиялык кызматтарда иштеген.
1958-жылдан КМУнун диалектикалык материализм кафедрасында аспирант, улук окутуучу, доцент, кафедра башчысы.
1977—86-ж. Ош мамлекеттик педагогикалык институтунда ректор, 1986-жылдан Тил жана гуманитардык илимдер институтунда философия кафедрасынын башчысы.
40тан ашык илимий эмгектин (анын ичинде 5 монография) автору.

Негизги илимий эмгектери[оңдоо | булагын оңдоо]

  • «Философия жана жаңы адамдын калыптанышы» (1985),
  • «Философиянын негизги маселелеринин гносеологиялык анализи» (1988),
  • «Философиянын жалпы маселелери» (1994).

СССР Жогорку билим берүүнүн отличниги, СССР эл агартуусунун отличниги, Кыргыз ССР элге билим берүүсүнүн отличниги, Кыргыз Республикасынын эмгек сиңирген мугалими (1983). Эл Достугу, Кызыл Жылдыз ордендери менен сыйланган.

Колдонулган адабияттар[оңдоо | булагын оңдоо]

  • Талас облусу энциклопедия. Бишкек-1995-ж.