Кубатбек Жусубалиев
| Кубатбек Жусубалиев | |
 | |
| Туулган датасы: |
30 -октябрь 1941 (83 жаш) |
|---|---|
| Туулган жери: |
Алай району, Кердегей айылы |
Кубатбек Жусубалиев - жазуучу, актер, сценарист[1].
Ал 1941-жылы 30-октябрда Алай районундагы Кердегей айылында туулган[2].
1963-жылы КМУнун филология факультетинин журналистика бөлүмүн бүтүрүп, 1965–1967-жж. Москвадагы Жогорку сценарийдик курстун угуучусу болгон.
Эмгек жолун 1957-жылы колхоздо иштөө менен баштаган. 1953-жылдан баштап Чоң-Алай айылындагы «Кыргызстан» сегиз жылдык мектебинде мугалим болгон. 1964-жылдан облустук «Ленин жолу» гезитинин адабий кызматкери, 1965–1985-жж. «Кыргызтелефильм» студиясында редактор болуп иштеген.
Чыгармачылык ишмердүүлүгү 1963-жылдан башталып[3], биринчи аңгемелер жыйнагы «Күн автопортретин тартып бүтө элек» деген ат менен 1967-жылы басылып чыккан[4]. Бир катар толук метраждуу көркөм жана даректүү фильмдердин сценарийлерин жазган.
1975-жылдан СССР Кинематографисттер союзунун, 1981-жылдан СССР Жазуучулар союзунун мүчөсү.
Жарык көргөн китептери
[түзөтүү | булагын түзөтүү]- Күн автопортретин тартып бүтө элек: Повесть, аңгемелер.– Ф.: Кыргызстан, 1967. – 110 б.
- Толубай сынчы: Аңгемелер. – Ф.: Кыргызстан, 1981.– 184 б.
- Муздак дубалдар: Романдар жана повесть.– Б.: Адабият, 1990. – 432 б.
- Жети сөз жана Конфуций: Көркөм чыгармалар.– Б.: Учкун, 2003. – 488 б.
Булактар
[түзөтүү | булагын түзөтүү]- ↑ Кубатбек Жусубалиев - актёр, сценарист. Кино-Театр.Ру.
- ↑ Элкеева, Канымгүл. Кубатбек Жусубалиев: Дүйнөгө боорум ооруйт, Азаттык үналгысы (2.08.2023).
- ↑ Капай уулу, Арслан. Кубатбек Жусубалиев: Улуу чыгармалар жаралчу доордо жашап жатабыз..., BBC Кыргыз Кызматы (4.10.2019).
- ↑ Далай-ламага жолуккан кыргыз. Жазуучу Кубатбек Жусубалиев жөнүндө 16 факт, Sputnik Кыргызстан (12.09.2021).