Жыламыш (суу)
Жыламыш
| |
|---|---|
| Мүнөздөмө | |
| Узундугу | 28 км |
| бассейндин аянты | 186 км² |
| Суу агымы | |
| Аягы | Чүй |
| Жайгашкан орду | |
| Өлкө |  Кыргызстан
|
| Област | Чүй облусу |
| Район | Сокулук району |
Жыламыш — Сокулук районундагы суу. Кыргыз Ала-Тоосунун түндүк капталынан башталып, Чүй дарыясына жетпей сугатка таралат.
Алабынын аянты 186 км2, узундугу 28 км. Алабында жалпы аянты 0,05 км2 келген 3 көл бар.
Жогорку агымында Жыламыш кууш капчыгай аркылуу шар агат (агымынын ылдамдыгы 2—3 м3/сек).
Тоодон чыга беришинде өрөөнү кеңейип, салааларга бөлүнөт.
Жылдык орточо чыгымы 1,28 м3/сек.
Майда кире баштап, сентябрда тартылат.
Негизинен кар, мөңгү, булактардан куралат.
Жээгинде Жыламыш, Ысмайыл, Кызыл-Туу кыштактары бар.
Колдонулган адабияттар
[түзөтүү | булагын түзөтүү]- Кыргыз совет энциклопедиясы, 2 том. Башкы редактору Б. Ө. Орузбаева. Фрунзе — 1977.