Жылуусуу мөңгүлөрү

Жылуусуу мөңгүлөрү — Алай кырка тоосунун түндүк капталында жайгашкан татаал өрөөн тибиндеги 2 мөңгү (Батыш жана Чыгыш Ж. м.). Сох суусунун оң курамы – Кожашкандын башында жайгашкан. Аларды меридиан багытта созулган тоо тармагы бөлүп турат. Батышындагы мөңгүнүн yзундугу 4,6 км, аянты 7,1 км²; башы деңиз деңгээлинен 4800 м, этеги 3890 м бийиктикте жатат. Кар чегинин бийикт. 4400 м, абляция облусунун аянты 3,5 км². Чыгышындагы мөңгүнүн узундугу 5,7 км, аянты 6,4 км²; башы деңиз деңгээлинен 4500 м, этеги 4200 м бийиктикте жатат. Кар чегинин бийикт. 4300 м, абляция облусунун аянты 3,2 км². Мөңгүлөрдөн Сох суусунун башаты – Жылуусуу башталат.

Колдонулган адабияттар

• Кыргызстандын географиясы Archived 2014-07-14 at the Wayback Machine ISBN 9967-14-006-2