Каракол-Төр мөңгүсү
Каракол-Төр мөңгүсү – Борбордук Теңир-Тоодогу татаал өрөөн тибиндеги мөңгү. Тескей Ала-Тоонун эң бийик чокусу Караколдун Түштүк капталынан орун алган. Көөлү суусунун алабында. Узундугу 8 км, аянты 13,1 км2. Мөңгүнүн башы деңиз деңгээлинен 5000 м, этеги 3780 м бийиктикте жатат. Кар чегинин бийиктиги 4390 м. Абляциясынын аянты 3,5 км2. 1943–60-жылы 2,1 кмге тартылган, музу жукарып, тармактарынан ажыроодо. Мөңгүдөн Көөлү суусунун сол куймасы Каракол-Төр суусу агып чыгат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9