Каракол чокусу

Каракол чокусу – Тескей Ала-Тоонун эң бийик жери. Каракол шаарынан 48 км Түштүк тарапта. Бийиктиги 5280 м. Шуштугуй, Түндүк жана Түштүк тарапка салааланган кырлар кетет. Муздук менен капталган.

Мөңгүлөрү: Каракол, Айланыш, Чыгыш Кичи Борду, Оң-Төр, Чоң Борду, Көл-Төр. Каракол мөңгүсүнөн Каракол суусу башталат. Каракол чокусуна алгачкы чыккандар: Н. Попов, Г. Белоглазов, В. Рацек, К. Байгазинов (1937-жылы 3-август).

Колдонулган адабияттар

• Кыргызстан географиясы / Мамлекеттик энциклопедия борбору. - Бишкек, 2004. - ISBN 9967-14-006-2.
• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9