Карши талаасы
Карши талаасы – Орто Азиянын түштүгүндөгү (Өзбек Республикасындагы) күдүрлүү түздүк, Кашка-Дарыя Облустунда. Чыгышынан Заравшан жана Ысар кырка тоолорунун этектери, батышынан Сандык кумдуу чөлү менен чектешет. Бийиктиги 600 мге чейин. Климаты кургак, жылдык жаан-чачыны 200–400 мм. Кашка-Дарыя жана Карши сугат каналы менен сугарылат. Шыбак-баялыштуу өсүмдүктөр басымдуу. Дан эгиндер, пахта эгилет. Чыгыш бөлүгүндө Карши шаары жайгашкан.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9