Каршылык термометри

Википедия дан
Каршылык термометрлер.

Каршылык термометритемпература өлчөөчү курал. Анын иштеши металл, куйма жана жарым өткөргүчтөрдүн электр каршылыктарынын температурага көз карандылыгына негизделген. Таза металлдардан (мисалы, Pt жана Сu) жасалган. Каршылык термометри электр өткөрбөс материалдан жасалган каркаска оролгон металл зым же тасма түрүндө болот. Платина каршылык термометри – 263төн 1064°Сге чейин, жезден жасалганы – 50дөн 180°Сге чейинки, ал эми жарым өткөргүчтүү каршылык термометри (көмүртек, германий жана башка) төмөнкү температураны (0,1–100К) өлчөөдө потенциометр, логометр жана башка менен чогуу колдонулат.

Колдонулган адабияттар[түзөтүү | булагын түзөтүү]