Кевин Спейси

Wikipedia дан

Кевин Спейси Фоулер (англ. Kevin Spacey;1959-жылы 26-июлда туулган) — Кевин Спейси деген ысым менен белгилүү болгон америкалык актер, режиссер, продюсер, сценарист жана ырчы. Ал кинодо жана телесериалдарда экинчи пландагы ролдорду аткарганга чейин өз карьерасын 1980-жылдары сахна актеру катары баштаган. Спейси "Шектүү жүздөр" (англ. Usual Suspects, 1995) тасмасындагы ролу үчүн киносынчылардын баасына татып, өзүнүн алгачкы "Экинчи пландагы эң мыкты актер" "Оскар" сыйлыгына жана "Американын сулуулугу" (англ. American Beauty, 1999) тасмасы менен "Оскардын" "Эң мыкты актер" наамына ээ болгон.

Ал тартылган башка тасмаларга "Акулалар менен сүзүү" (англ. Swimming with Sharks, 1994), "Жети" (англ. Seven, 1995), "Купуя" (англ. L.A. Confidential, 1997), "Башкага төлөп кой" (англ. Pay It Forward, 2000), "Кей-Пакс" (англ. K-PAX, 2001) жана "Супермэндин кайтышы" (англ. Superman Returns, 2006) кинофильмдери кирет.

Спейси Бродвей театрындагы "Йонкерсте жоголгон" (англ. Lost in Yonkers) спектаклине катышканы үчүн "Тони" сыйлыгын утуп алган. 2017-жылы ал 71-"Тони" сыйлык тапшыруу аземин алып барган. Ал 2004-жылдан 2015-жылдын ортолорунда кызматтан кеткенге чейин Лондондогу Олд Вик театрынын көркөм жетекчиси болуп иштеген. 2013-жылдан тартып Спейси "Netflix" компаниясынын "Оюнчук үй" (англ. House of Cards) саясий драма сериалында Фрэнк Андервуддун ролун аткарып келет. Андервуддун образын ачып бергени үчүн ал "Алтын глобустун" "Эң мыкты актер — драма телесериалы" сыйлыгына ээ болгон. Ага улай эле АКШ киноактерлор гилдиясынын "Драма сериалындагы эң мыкты актер" аттуу эки сыйлыгын утуп алган.

Өмүр таржымалы[оңдоо | булагын оңдоо]

Жеке жашоосу[оңдоо | булагын оңдоо]

Тартылган тасмалары[оңдоо | булагын оңдоо]

Шилтемелер[оңдоо | булагын оңдоо]