Край таануу
Край таануу – жергиликтүү элдин жардамы менен өлкөнүн, административдик же табигый аймактын бир бөлүгүн, калк жашаган жерлердин табиятын, калкын, чарбасын, тарыхын жана маданиятын изилдөө. Ал тармактык (тарыхый, этнографиялык, топонимиялык ж. б.) жана комплекстүү географиялык (коом менен табият кубулуштарынын өз ара байланыштарын изилдейт) деп бөлүнөт. Край таануунун негизги ыкмасы – табигый үлгүлөр (геологиялык, топурак, биологиялык, зоологиялык) ж. б. боюнча аймак тууралуу маалымат топтоо жана аны иреттештирүү. Край таануучулар табигый аймактарды, тарыхый жана маданий эстеликтерди табуу жана коргоо менен, жаратылыш байлыктарын изилдейт. Кыргызстанда Край таануу иштери музейлерде, мектептерде кеңири жүргүзүлөт.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9