Кызыл-Суу колтугу
Кызыл-Суу колтугу — Ысык-Көлдүн түштүк жээгиндеги буйтка (булуңча). Жети-Өгүз районунун аймагында. Кууш кысык аркылуу Кара-Булуң менен туташат. Жазылыгы 150 м, узундугу 1300 м; аянты 1,5 км2. Чыгыш жээги жапыз, саздак, түндүгү менен батышы тик, камыштуу. Колтукка Чоң жана Кичи Кызыл-Суу суулары куят. Түбү күкүрттүү суутек жыттанган баткак менен текши капталган. 4-5 м тереңдикке чейин балыр өсүмдүктөрү өсөт. Алар — сазан балыгынын негизги азыгы. Кызыл-Суу колтугу шамал жана толкундан ыктоо жайгашкандыктан, кеме токтоочу жай курулган. Батыш жак тектиринде учук оорусун дарылоочу санаторий бар.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|