Көк-Аргын суусу
Көк-Аргын суусу, Көк Айгыр – Ат-Башы районунун аймагы аркылуу аккан суу. Ат-Башы кырка тоосунун түштүк капталынан башталып, Чатыр-Көлгө куят. Узундугу 43 км, алабынын аянты 378 км2. Башталышында капчыгай аркылуу түштүк-чыгышты карай, Көк-Аргын кыштоосунан саздуу өрөөн менен батыш тарапка агат. Өзөнү имерилиштүү. Негизинен кар, мөңгү жана булак сууларынан куралат. Жылдык орточо чыгымы 2,68 м3/сек. Эң чоң чыгымы июлда, эң азы мартта байкалат. Май айында кире баштап, сентябрда тартылат. Ири куймалары: Бала-Көк-Аргын (18 км), Корум-Суу (14 км), Ак-Таш (10 км).
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9