Көк-Суу (чыгыш)

Көк-Суу — Алай районунун аймагы аркылуу аккан суу. Чыгыш Кызыл-Суунун алабына кирет. Алайкуу кырка тоосунан башталат. Узундугу 80 км, алабынын аянты 976 км². Жогорку агымында кууш өрөөн аркылуу агат. Өзөнү ичке келип, көптөгөн босоголор кезигет. Ортонку агымында өзөнү кеңейип барып, Кызыл-Сууга куят да, андан кийин чыгышты (Кытайды) карай агат. Негизинен кар, мөңгү жана булак сууларынан куралат. Жылдык орточо чыгымы 14,7 м³/сек. Май айында кире баштап, октябрда тартылат. Боюнда Эркеч-Там кыштагы орун алган.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9