Нюрнберг

Бавариянын ири шаарларынын бири Нюрнберг Желек Герб Бавариянын түндүк бөлүгүндөгү маанилүү шаар ГерманияГермания Облус БаварияБавария Координаттар 49°27′ с. ш. 11°05′ в. д. Ички бөлүнүшү 10 административдик район Мэр Маркус Кёниг Тарыхы жана Географиясы Негизделген күнү 1050-жыл Климатынын түрү Океан климаты (жумшак континенттик таасир менен) Убакыт аралыгы UTC+1, жайында UTC+2 Калкы Расмий тили немис тили Калкы 518,370 адам Улуттук курамы немистер 83%, башка улуттар 17% Диний курамы Протестанттар 55%, католиктер 25%, башка 20% Этнохороним Нюрнбергдиктер Сандык идентификаторлор Телефон коду +49 911 Почта индекстери 90402–90491 Автоунаа коду N Сайты https://www.nuernberg.de

Нюрнберг (нем. Nürnberg) — Германиядагы шаар, Бавария жеринин түндүк бөлүгүндө, Пегниц дарыясынын боюнда жайгашкан.

Тарыхы

Нюрнберг алгач 1050-жылы тарыхый булактарда эскерилет. 1219-жылдан тартып эркин империя шаары макамына ээ болгон. Шаардын борбордук бөлүгүндө орто кылымдардагы архитектуралык эстеликтер сакталган, алардын катарына Император сепили (11-кылым), Соңку готика стилиндеги чиркөөлөр (13–15-кылымдар), жана Альбрехт Дюрердин үй-музейи кирет.

1945–1946-жылдары шаарда Нюрнберг процесси болуп өтүп, анда 2-дүйнөлүк согуштун башкы кылмышкерлери эл аралык трибунал тарабынан соттолгон.

Экономикасы

Нюрнберг — Германиянын өнөр жай жана технология борборлорунун бири. Шаарда:

• машина куруу,
• электр-техникалык жана полиграфия тармактары,
• жыгаччылык жана жеңил өнөр жай,
• карандаш жана оюнчук өндүрүшү жакшы өнүккөн.

Шаарда метрополитен (U-Bahn) иштейт, шаар Германиянын түндүк жана түштүгүн байланыштырып турган негизги транспорт түйүнү болуп саналат.

Маданияты

Нюрнбергде бай тарыхый жана маданий мурастар бар. Бул жерде:

• Германия Улуттук музейи,
• Транспорт музейи,
• Оюнчук музейи,
• Консерватория (1821) жана
• Опера театры (1905) жайгашкан.

Шаар дүйнөгө белгилүү сүрөтчү Альбрехт Дюрердин туулган жери катары да белгилүү.

Галереясы

• 
• 
• 
• 
• 
• 
• 
• 
• 

Булактар

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7