Парето, Вильфредо

Wikipedia дан
Jump to navigation Jump to search

Парето Вильфредо(15. 7. 1848, Париж – 20. 8. 1923, Селиньи шаары, Швейцария) – италиялык инженер, экономист, социолог; элиталар теориясына негиз салуучулардын бири. Паретонун ата-энеси саясий көз карашына байланыштуу Парижде туруп, 1858-ж. Турин шаарына (Италия) кайтып келген. Бул жерден Вильфредо бир эле учурда гумантардык жана техникалык билим алууга жетишип, математиканы тереңдете өздөштүргөн. 1869-ж. «Катуу заттардын ичиндеги тең салмактуулуктун фундаменталдык принциптери» деген темада диссертациясын коргоп, экономикалык ж. б. илимий теориялык чөйрөдө кабыл алынган статистикалык «Парето-бөлүштүрүү» жана «Парето-оптимум» теориясынын автору болуп саналат. 1893-жылдан өмүрүнүн акырына чейин Лозанна университетинде саясий экономика боюнча профессорлук кызматта иштеп, Муссолининин колунан 1923-ж. Италиянын сенатору деген наам алган. Парето коом пирамида түрүндө жайгашканын жана эң башында аны башкарып, багыттап турган социалдык катмар – элитанын болушу, орто эле алдыга ылдам өнүгүү үчүн өз убагында элитаны аламаштырып туруу зарылдыгын эскерткен.

Эмгектери[оңдоо | булагын оңдоо]

  • Социалистические системы //Теоретическая социология. Антология. Т. 1. М., 2002; Компендиум по общей социологии. М., 2007.