Резерфорд Эрнест

Wikipedia дан
Jump to navigation Jump to search

Резерфорд Эрнест (30. 8. 1871, Жаңы Зеландия, Брайтуотер – 19. 10. 1937, Кембридж) – англиялык физик, радиоактивдүүлүк жана атомдун түзүлүшү жөнүндөгү илимдерди түзүүчүлөрдүн бири, илимий мектептин негиздөөчүсү. СССР Илимдер академиясынын ардактуу мүчөсү (1925), Лондон королдук коомунун мүчөсү (1903). 1894-жылы Жаңы Зеландия университетин бүтүргөн. 1897–1907-жылдары Монреаль (Канада), 1907–19-жылдары Манчестер университеттеринде физика кафедрасын жетектеген. 1919-жылдан Кембридж университетинде профессор жана Кавендиш лабораториясынын директору болуп иштеген. Радиоактивдүү элементтер 3 нур (α-, β -, γ-нурлар) бөлүп чыгарарын көрсөткөн жана англиялык физик Ф. Содди менен бирдикте радиоактивдүүлүктүн жылыш эрежесин иштеп чыгышкан (1903). 1911-жылы атомдун планеталык моделин сунуштаган. 1911-жылы элементтердин жасалма ажыроосун далилдеген. 1921-жылы нейтрондун болушун болжолдуу алдын ала айткан. Нобель сыйлыгынын лауреаты (1908). Эмгектери: Избранные научные труды. М., 1971; Строение атома и искусственное превращение элементов// Избранные научные труды. М., 1972.

Колдонулган адабияттар[оңдоо | булагын оңдоо]