Спиннер
| Спиннер | |
| Spinner | |
 | |
| Негиги маалыматтар | |
|---|---|
| Башка аталыштары |
фижет спиннер, айланма, кол үчүн айланма / |
| Түрү |
Антистресстик оюнчук |
| Ойлоп чыгарган |
Кэтрин Хеттингер |
| Чыгарылган жылы | |
| Өлкөсү | |
| Активдүүлүгү |
2017 — азыркы учурда |
| Формасы |
ар түрдүү |
 Спиннер Уикиказынада | |
Спиннер (англ. Spinner) — Көңүл ачуучу жана антистресстик машыгуучу, эки же андан ашык канатчадан турган, колго ылайыкталган оюнчук. Аны иштетүү үчүн ортосундагы тегеректи эки манжа менен басып, канатчаларды күүгө салса, 1,5-2 мүнөт аралыгында тынымсыз айланат. Спиннерди иштеп чыккандар ал адамдагы кыжырданууну азайтып, ойду топтогонго жана стресстен арылууга жардам берерин айтышат. Бирок психологдор "балдардын спиннерге болгон берилүүсү жашоодогу башка маанилүү нерселерди 2-орунга жылдырып коюусуна түрткү болушу мүмкүн" дешет. Аталган оюнчук мындан 27 жыл мурда ойлоп табылса да, өз убагында кызыкчылык жарата алган эмес. Былтыр декабрда "Forbes" журналында спиннер тууралуу "2017-жылы керек болчу кеңсе оюнчугу" деген макала жарык көргөн. Андан көп өтпөй март айында YouTube’дун колдонуучусу тарабынан спиннер менен кантип ойноо керектиги жөнүндө видео тарап кеткен. Ошентип бул оюнчук миллиондордун көңүл чордонуна чыкты. Спиннер 8 жаштан өткөн балдарга арналган. Аны түрүнө жараша 200дөн 750 сомго чейин сатып алса болот.