Субтропик мөмө өсүмдүктөрү

Субтропик мөмө өсүмдүктөрү - субтропик алкактарында өсүүчү көп жылдык, дайыма жашыл, кээде күбүлмө жалбырактуу дарактар же бадалдар.

Субтропик мөмө өсүмдүктөрүнө апельсин, мандарин, лимон ж. б. цитрус өсүмдүктөрү, авокадо, анжир, анар, курма, мушмула, курма пальмасы, бидам, пекан, мисте, чай, бал камыш ж. б. кирет.
Кыргызстанда анар, мисте, курма, инжир кездешет.
Субтропик мөмө өсүмдүктөрү суукка чыдамсыздыгы, вегетация мезгилинин узактыгы менен айырмаланат. Лимон суукка байымсыз, -7, -8°Сде үшүшү мүмкүн.
Күбүлмө жалбырактуулары (анжир, анар, курма) суукка туруктуу.
Бул өсүмдүктөр даамдуулугунан, жагымдуулугунан, дарылык касиетинин жогорулугунан эл чарбасында кенири колдонулат.
Курамында кант, органикалык бирикмелер, минерал туздар жана витаминдер бар; жаны кезинде тамак-ашка колдонулат. Жыгачы курулушта, айрымдарынын жалбырагы медицинада, парфюмерияда пайдаланылат. Бамбук жыгачы мебель жана спорт куралын жасоого керектелет.
Тунго дарагынын мөмөсүнөн баалуу тез кургоочу лак, сыр, тех. май алынат.

Колдонулган адабияттар[түзөтүү | булагын түзөтүү]

Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1980. Том 5. Пирс - Токкана. -656 б.