Терек-Кан амфиболит кени
Терек-Кан амфиболит кени — Жалал-Абад облусунун Ала-Бука районунда, Терек-Сай кыштагынан 1 км түштүк-чыгыш тарапта, Чаткал кырка тоосунун түштүк этегинде жайгашкан. Кен протерозой заманында пайда болгон сланецтердин мрамор менен чектешкен жерлеринде амфиболит тоо тегинин катмарынан турат. Катмардын калыңдыгы 4-20 м. Амфиболит кочкул жашыл түстө, ири кристаллдуу. Андан 0,3x0,4x0,5 м өлчөмүндөгү блокторду алууга, майда кооз буюмдарды жасоого жана имараттын дубалдарын каптап кооздоого болот.
Колдонулган адабияттар
[түзөтүү | булагын түзөтүү]- Кыргызстандын кен байлыгы: Энциклопедиялык окуу куралы/Мамлекеттик тил жана энциклопедия борбору. Бишкек – 2004, ISBN 9967-14-009-7
- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9