Феодализм
Феодализм (лат. feudum - лен, феодалдык жер ээлөөчүлүк) - эки социалдык тапты (феодал жана дыйкандар) мүнөздөгөн социалдык саясий түзүм.
Феодализм түшүнүгү 18-кылымда Француз революциясынын (1789-94) алдында жаралып, «Эски тартип» (чексиз монархия, дворяндардын бийлиги) дегенди түшүндүргөн. Марксизм окуусунда Феодализм капитализмдин жаралуусун шарттоочу кул ээлик доордон кийинки коомдук-экономикалык формация катары каралат. Азыркы мезгилдеги тарых илими Ф-ди, айрым белгилери дүйнөнүн башка региондорунан кездешсе да, Батыш жана Борбордук Европада гана о. кылым доорунда өкүм сүргөн социалдык система катары карайт. Феодализмдин негизин коомдогу вассалдар менен сеньерлор, дыйкандар менен ири жер ээлери ортосундагы мамилелер аныктайт. Феодализмге рыцардык аскер уюму жана мыйзам тарабынан бекемделген уруулук юридикалык теңсиздик мүнөздүү. Феодализмдин идеологиялык-ыймандык негизин о. кылымдын маданиятын аныктап турган христианчылык түзгөн. Кыргыздар Феодализмдин өнүккөн классикалык формасын басып өткөн эмес. Кыргыздарда патриархалдык-феодалдык, патриархалдык-уруучулук коом өкүм сүргөн.
Дагы кара
[түзөтүү | булагын түзөтүү]Колдонулган адабияттар
[түзөтүү | булагын түзөтүү]- «Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4