Циозит
Циозит (цоизит — словениялык коллекционер С. Цойстун ысымынан аталып, мурда "зауальпит", "аниолит" деп да аталган) — жалкы силикаттар классына кирген минерал. Химиялык формуласы: Ca₂Al₃(SiO₄)(Si₂O₇)O(OH). Циозит курамы, касиеттери жана пайда болуу шарты боюнча эпидотко окшош. Бирок эпидоттон төмөнкү белгилери менен айырмаланат:
- курамындагы темирдин аздыгы;
- ачык түсү (боз, жашыл, жашгылт боз, сары, көк, кызгылт). Циозит ромбдук системада кристаллдашат. Агрегаттары тыгыз туташ же майда бүртүктүү формада болот. Жылтыроосу — айнек сыяктуу.
Физикалык касиеттери
[түзөтүү | булагын түзөтүү]- катуулугу: 6–6,5;
- тыгыздыгы: 3,15–3,36 г/см³.
Циозит метаморфизм процесстеринен жана плагиоклаздын гидротермалдык өзгөрүшүнөн улам пайда болот.
Колдонулушу
[түзөтүү | булагын түзөтүү]- дубал каптоочу жасалгаларда;
- кооздук жана асыл таш катары:
- тулит (Мn камтыган циозит) — кооздук таш;
- танзанит (V камтыган циозит) — асыл таш катары зергерчиликте колдонулат.
Колдонулган адабияттар
[түзөтүү | булагын түзөтүү]- «Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4