Энрико Бомбиери
Энрико Бомбиери (итал. Enrico Bombieri; 1940-жылы 26-ноябрда Миланда туулган) - италиялык математик.
Өмүр таржымалы[түзөтүү | булагын түзөтүү]
Энрико Бомбиери Жованни Риччинин жетекчилиги менен Милан университетин бүтүргөн. Ph.D. даражасын алган соң, Кембриждеги Тринити-колежге тапшырган. Ал жерде Гаролд Давенпорттун окуучусу болгон. Кийин Каляри университетинде жана Пиза университетинде сабак берген. Андан соң АКШга жер оодарып, ал жакта Нью-Жерси штатынын Принстон шаарындагы Алдыңкы изилдөөлөр институтунда иштей баштаган.
Улуттук деи Линчеи академиясынын (1976), Франциянын илимдер академиясынын (1984), АКШнын Улуттук илимдер академиясынын (1996) мүчөсү.
Илимий ишмердиги[түзөтүү | булагын түзөтүү]
Энрико Бомбиери сандар теориясы, алгебралык геометрия жана математикалык анлиз жаатындагы эмгектери менен белгилүү. Аналитикалык сандар теориясынын негизги жыйынтыктарынын бири - 1960-жж. далилденген Бомбиери-Виноградов теоремасы болуп эсептелет. Бул теорема арифметикалык прогрессиядагы жөнөкөй сандар жөнүндөгү Дирихле теоремасын корутундулайт.