Pitbull
 Армандо Кристиан Перес
| |
 | |
| Негизги маалымат | |
|---|---|
| Төрөлгөндөгү ысымы |
Маалыматтардын маңызы белгисиз. |
| Толук ысымы |
Armando Christian Pérez |
| Туулган датасы |
15 -январь 1981 (44 жаш) |
| Туулган жери | |
| Өлкө | |
| Кесиптери | |
| Жанрлары | |
| Активдүү жылдары |
1997 — жылдан бери |
| Кызматташтык |
Lil Jon, Don Omar, Pharrell, Akon, Enrique Iglesias, Usher, T-Pain, Jennifer Lopez,Ne-Yo, Afrojack, Shakira, Chris Brown, Kelly Rowland, Marc Anthony, Ke$ha,Sean Paul, Nayer, RedFoo, Sensato, RedOne, David Guetta. |
| Лейблдар | |
Pitbull (чыныгы аты: исп. Armando Christian Pérez) — хип-хоп, рэп, реггетон, кранк жана латын рэп жанрларында ырдаган америкалык ырчы. Ал сахнада Питбуль деген лакап ат менен белгилүү болгон. Армандо Кристиан Перес 1981-жылдын 15-январында АКШнын Флорида штатындагы Майами шаарында кубалык иммигранттардын үй-бүлөсүндө туулган.
Балачак кези
[түзөтүү | булагын түзөтүү]Кичинекей кезинде ата-энеси ажырашып кетип, Армандо апасынын колунда калган. Өспүрүм кезинде бейбаш балдардын катарын толуктап, апасын укпай, 16 жашынан эле баңгизат сатуу менен алектенген. Бул жумуш апасынын нааразычылыгын жаратып, аны үйдөн кууп жиберген. Андан кийин Армандо Жоржия штатындагы Розуэлл шаарында бакма бала болуп жашаган. 18ге чыкканда өз атасына жолугуп, ата-бала тил табышып, атасы каза болгонго чейин жакшы мамиледе болушкан.
Армандонун теги кубалык болгондуктан, апасы Кубанын маданиятын унуттурбай, ошол маданият менен жашоого үйрөткөн. Кубалык жазуучу жана акын Хосе Мартинин чыгармачылыгын окуп-үйрөнүп, ошол жазуучунун таасири менен Питбуль кичинесинен эле сөздүн канчалык таасирдүү жана күчтүү экенин түшүнгөн.
"Питбуль-күчтүү жана чыдамдуу ит"
[түзөтүү | булагын түзөтүү]Армандо мектепте окуп жүргөндө эле рэпке кызыга баштайт. Өзү да жакшы рэп окуй алган. Ар кандай жерлерде ырдап жүргөнүн байкап калган музыкант Лютер Кэмпбелл аны “Набат” (“Lollipop”) тобуна кошулууга чакырган. Ушул убакта эле Армандо өзүнө лакап ат коюуга батынат. Бул тууралуу: “Питбуль – көп штаттарда тыюу салынган, ар кандай мушташтарга катышуучу иттердин породасы. Ал күчтүү жана чыдамдуу ит. Алар акырына чейин күрөшөт. Менин жашоом да дайыма күрөш менен коштолуп келет”,- дейт рэпер.
Лютер Кэмпбелл менен иштешип жатканда аны музыканын кранк жанрынын падышасы аталган Лил Жон байкап калган. Ал экөө “Форсаж” тасмасына саундтректерди жаздырышкан, ал эми Питбулдун 4 ыры саундтрек катары колдонулган.
Питбуль дүйнөлүк сахнада ийгиликке жетип, көптөгөн атактуу артисттер менен кызматташкан. Анын чыгармалары кеңири популярдуулукка ээ болуп, хитке айланып келет. Марк Энтони менен аткарган “Rain Over Me” ( “Жамгыр менин үстүмө жаасын”) ыры да чоң ийгиликке жеткен.
Питбуль орто мектепти гана аяктагандыктан, билимдин маанилүүлүгүнө өзгөчө көңүл бурат. Ал Латын Америкасынан келген балдардын АКШда билим алуусуна көмөктөшүү максатында “Imaginate Foundation” (“Кыялдануу фонду”) аттуу кайрымдуулук уюмун негиздеген.
Ал Лил Жон, Дон Омар, Akon, Энрике Иглесиас, Ашер, Женнифер Лопес, Александр Бёрк, Не-Йо, Шакира, Крис Браун, Келли Роулэнд, Марк Энтони сыяктуу атактуу артисттер менен дуэт ырдаган.
Жеке жашоосу
[түзөтүү | булагын түзөтүү]Жеке жашоосу тууралуу маалымат аз, анткени Питбуль жеке жашоосун коомчулукка ачык айтууну жактырбайт. Ал көпчүлүк маектерде үй-бүлөсү жана жеке жашоосу жөнүндө сүйлөшүүдөн качканын белгилеген.