V демек - Вендетта

Wikipedia дан
Jump to navigation Jump to search
V for vendetta.svg

"V демек - Вендетта" (англ. V for Vendetta, орус. V — значит вендетта) — саясий триллер. Режиссеру Жэймс Мактиг. Сценарийи Алан Мур менен Дэвид Ллойддун ушул эле аталыштагы DC/Vertigo Comics басмаканасы 1988-жылы чектелген серияда чыгарган комиксине негизделип жазылган, авторлору — бир тууган Вачовскилер. Тасмадагы окуя альтернативдик келечекте орун алат. Анда неофашист режим Бириккен королдукту өзүнө каратып алган болот. Хуго Уивиң анархист, эркиндик үчүн күрөшкөн Vнин образын жаратат. V татаал террористтик акттардын жардамы менен көтөрүлүш жасоого аракет кылат. Жаш, эмгекчи катмарына кирген Натали Портман (Иви) Vнин миссиясы учурунда колго түшүп калат. Ал эми Стивен Ри Vни токтотуш үчүн издөө тобун жетектеген, айласы түгөнгөн детективдин ролун аткарат.

Тасма башында Warner Bros. компаниясы тарабынан 2005-жылдын 4-ноябрында (400-Гай Фокс түнүнөн бир күн мурун) экрандаштырылат деп пландаштырылып, бирок кийинкиге жылдырылган. Ал 2006-жылдын 17-мартында көрсөтүлө баштап, оң ой-пикирлерге ээ болгон. "Тозоктон" (2001) жана "Адаттан тыш мыразалардын лигасы" (2003) эмгектеринен ылайыкташтырылып тартылган тасмага канааттанбаган Алан Мур кинофильмди көрүүдөн баш тартып, калем акы төлөбөй эле коюшун айткан.

"V демек - Вендетта" көптөгөн саясий топтор тарабынан мамлекеттик кысымдын кыйытып көрсөтүлүшү катары сыпатталган: либертариандар менен анархисттер муну өз ишенимдерин жайылтуу үчүн пайдаланышкан. Дэвид Ллойд мындай деген: "Гай Фокстун бет кабы эми жалпы брэнд болуп, катаал режимге каршылык көрсөтүү үчүн ыңгайлуу көрнөк болуп калды. Адамдар муну колдонуп атканына кубанычтамын, белгилүү маданияттын символу бул жол менен пайдаланылып жатканы бир топ эле өзгөчө туюлуп жатат."

Сюжети[оңдоо | булагын оңдоо]

Тартылгандар[оңдоо | булагын оңдоо]

Шилтемелер[оңдоо | булагын оңдоо]