Арифметика
Арифметика — сандар жана алар менен болгон амалдар жөнүндөгү илим; математиканын бир бөлүмү.
Мында сан түшүнүгүнүн келип чыгышы жана өнүгүшү, эсептөө ыкмалары жана каражаттары, ар кандай сандар менен амалдарды жүргүзүү, сан көптүктөрүнүн аксиомалык түзүлүшүн анализдөө, сан касиеттери жөнүндөгү маселелер каралат. Арифметика Египет менен Вавилонияда өзүнчө илим болуп калыптанган. Арифметиканын негизин түзүшкөн математиктер болуп Евклид, Никомах, Диофант ж. б. эсептелет. Арифметика көбүнчө теориялык арифметика же сандар теориясы деп аталат.
Колдонулган адабият
[түзөтүү | булагын түзөтүү]- Математика: энциклопедиялык окуу куралы/ Мамлекеттик тил жана энциклопедия борбору. Бишкек, - 2004