Гилозоизм
Гилозоизм (грек. hule – зат, материя жана zoe – тиричилик) – бардык материялардын жаны бар деп эсептеген философиялык окуу.
Ал жаратылыштагы бардык нерселерде сезүү, туюу, кабылдоо, ойлоо касиети бар деп эсептейт. Мисалы: байыркы грек философу Фалес магниттин темирди өзүнө тартуу касиетинен улам анда «жан» бар деп баамдаган. Ушул эле ойду ал кездеги башка ойчулдар да айткан.
Ал эми материалисттик философия сезип-туюу касиетин жогорку өнүккөн органикалык материянын гана касиети деп карайт.
Колдонулган адабияттар
[түзөтүү | булагын түзөтүү]- Философия: энциклопедиялык окуу куралы/Мамлекеттик тил жана энциклопедия борбору.-Б.: 2004, ISBN 9967-14-020-8