Абдирайым Абдрахман уулу

Абдирайым Абдырахман уулу - Лейлек районунун Гордой айылында туулган. 16 жашка чейин Тажикстандын Ходжент, Өрө-Төбө медреселеринде окуп, куранды жатка билген.
Өз алдына ак максат коюуп, Меккеге жол тартып баратып Ооганстанда 13 жыл жашап калат.
29-30 жаш курагында Меккеге барып “Ажы” болуп ошол жерде туруп калат.
Сауд Аравиясында 37 жыл жоокерлердин кийимин бычып-тигүү фабрикасында бычмачы болуп эмгектенет.
Ошентип иштеп жүрүп эс алууга чыгат.
1992-жылы 29-августтан 1-сентиябырга чейин өткөн Бишкектеги Бүткүл Дүйнөлүк кыргыздардын 1-курултайына кызы Жамила менен катышат.
1981-жылы Түркиядагы Памирден көчүп барган кыргыздардын ханы Рахманкул менен жолугуп, кеңири ой-пикир алышат.
Абдырайым ажы 28 жолу Меккедеги Арафат тоосуна чыгып, ошончо жолу “Ажылык” атты алат.
Ошол 28 жоло ажылыгын кыргыз элине, бир боорлоруна арнаган.
1991-жылы июнь-июль айларында өзүнүн туулуп-өскөн Гордой ацылына келет.
Жарым кылым чет жактарда жүргонү менен өзүнүн тилин унутпаган.Өз каражатынын эсебинин туулган Гордой айылына соопчулук үчүн чоң мечит салдырат.
1992-жылы мечиттин ачылышын экинчи жолу кызы Жамила менен келет.
Кемпири араб кызы 1988-жылы көз жумат. Абдырахман, Мухаммет, Мариям, Жамила, Айниса атуул уул-кыздары бар.
Эки уулу жогорку билимдүү. Балдары Мекке шаарында иштейт. Абдырайым ажы Меккеге жакын жердеги Тайыф шаарында жашайт.
Мекке жана Тайыф шаарларынын ардактуу жараны.

Колдонулган адабият

Мадаминов Г. "Лейлек тарыхы" Бишкек, 2004-жыл.