Меке

Wikipedia дан
(Мекке барагынан багытталды)
Jump to navigation Jump to search
Меке (2006).

Меке – (араб. مكة Макка, مكة المكرّمة Макка ал-Муккаррама) — Сауд Арабиясынын батыш бөлүгүндө, Кызыл деңизден 100 км дей алыстыкта жайгашкан шаар. Мусулмандардын сыйынуучу борбор жери (караңыз; Ажылык). Мусулман эместерге Мекеге кирүүгө тыюу салынган.

630-жылы Мухаммед пайгамбар баштаган мадиналык мусулман жамаааты Мекеге кирип, шаардагылар ыктыярдуу багынып берип, исламды кабыл алышкан. Ошондон бери Меке шаары ыйык Каабасы менен жалпы мусулмандардын диний борбору болуп, мусулмандар кай жерде болбосун Мекеге жүзүн буруп намаз окуй башташкан.

Мекеде Аль-Харам мечити жана Кааба жайгашкан.

Дүйнөлүк негизги диндердин бири – исламдын борбор шаары. Шаар Хижаз вилайетинин администрациясы башкаруу борбору. Шаардын негизделген жылы белгисиз. Анда ислам дининин негиздөөчүсү Мухаммед пайгамбар туулган. 7-кылымдан мусулмандардын ыйык шаары жана зыярат кылуучу (ажылыкка баруу) жери. Бул шаарда ыйык Каабаны курчай курулган «Ыйык мечит» («Масжид ал-Харам») бар. Кыргызстандын да мусулман атуулдары Мекеге ажылыкка эркин барышып, зыярат кылып келишүүдө.

Колдонулган адабияттар[оңдоо | булагын оңдоо]

  • "Кыргыз Тарыхы. Энциклопедия" Бишкек 2003.

Тышкы шилтемелер[оңдоо | булагын оңдоо]