Амангельдиев Данияр Жолдошевич
| Амангельдиев Данияр | ||||
| ||||
|---|---|---|---|---|
| 18-декабрь, 2024 (м. а. 16 — 18 октябрь 2024) | ||||
| Президент: | Садыр Жапаров | |||
| Андан мурунку: | Касымалиев Адылбек | |||
| ||||
| 13-октябрь, 2021 — 16-декабрь, 2024 | ||||
| Андан мурунку: | кызматы түзүлдү | |||
| Андан кийинки: | Сыдыков Бакыт | |||
| ||||
| 17-март, 2018 — 17-март, 2020 | ||||
| Жарандыгы: |  Кыргызстан
| |||
| Дини: | ислам | |||
| Кесиби: | экономист | |||
Амангельдиев Данияр Жолдошевич (30 март 1982-жыл; Чуй айылы Кыргыз ССР, СССР) — кыргызстандык саясатчы жана мамлекеттик ишмер, Кыргызстандын министрлер кабинетинин төрагасынын биринчи орун басары, 18-декабрь, 2024-жыл. Экономика жана соода министри. Кыргыз Республикасынын Эмгек сиңирген экономисти (2024)[1].
Өмүр баяны
[түзөтүү | булагын түзөтүү]1982-жылы 30-мартта Чүй районунун Чүй айылында туулган.
Жогорку билимдүү. 2003-жылы Ж. Баласагын атындагы Кыргыз улуттук университетинин экономика факультетин бухгалтердик эсеп жана аудит адистиги боюнча аяктаган.
2003—2004 жылдары — Кыргыз Республикасынын Финансы министрлигинин Инвестициялык саясат департаментинин мамлекеттик инвестициялар долбоорлорун баалоо жана пландаштыруу бөлүмүнүн стажеру.
2004—2006 жылдары — Кыргыз Республикасынын Соода жана өнөр жай, экономикалык өнүктүрүү министрлигинин эл аралык финансылык уюмдар менен кызматташуу бөлүмүнүн жетектөөчү адиси.
2006—2007 жылдары — Кыргыз Республикасынын Туризм, соода, өнөр жай министрлигинин эл аралык кызматташуу бөлүмүнүн начальнигинин орун басары, башкы адиси.
2007-жылы — Кыргыз Республикасынын Финансы жана экономика министрлигинин мамлекеттик инвестициялар программалары башкармалыгынын мамлекеттик инвестициялар программаларынын долбоорлорун баалоо жана пландаштыруу бөлүмүнүн жетектөөчү адиси.
2007-жылы — Кыргыз Республикасынын Соода жана экономикалык өнүктүрүү министринин жардамчысы.
2007—2010 жылдары — Кыргыз Республикасынын Россия Федерациясындагы Соода өкүлчүлүгүнүн бащкы адиси.
2010—2012 жылдары — Россия Федерациясындагы Кыргыз Республикасынын Соода өкүлчүлүгүнүн жетекчисинин орун басарынын милдетин аткаруучу.
2012—2013 жылдары — Кыргыз Республикасынын Финансы министрлигинин Бюджеттер аралык мамилелер башкармалыгынын жергиликтүү бюджет бөлүмүнүн башчысы, өз алдынча капиталдык салым бөлүмүнүн башчысы.
2013-жылы — Кыргыз Республикасынын Финансы министрлигинин мамлекеттик секторунун чыгымдарды пландаштыруу башкармалыгынын начальниги. Кыргыз Республикасынын Финансы министрлигинин коллегия мүчөсү.
2018—2020 жылдары — Токмок шаарынын мэри; 2021-жылдын 17-августу – Кыргыз Республикасынын финансы жана экономика министринин орун басары.
2021-жылдын 13-октябры — Кыргыз Республикасынын экономика жана коммерция министри[2].
2024-жылдын 18-декабры — Кыргыз Республикасынын Министрлер Кабинетинин Төрагасынын биринчи орун басары[3][4].
Булактар
[түзөтүү | булагын түзөтүү]- ↑ Мамлекеттик сыйлыктар менен сыйланган жарандардын аты-жөнү
- ↑ [https://www.tazabek.kg/news:2206526 Данияр Амангелдиев Экономика жана соода министри кызматынан кетти
- ↑ Данияр Амангелдиев Кыргыз Республикасынын Министрлер кабинетинин төрагасынын биринчи орун басары болуп дайындалды
- ↑ Амангельдиев Данияр Жолдошевич