Асбат аль-Ансар

Асбат аль-Ансар — исламдык фундаменталдык террордук уюм. Уюм 1985-жылы Хишам Шрейди шейхи тарабынан тузүлгөн. Штаб-квартирасы Ливанда Сайда ш. аймагында «Айн аль-Хильва» палестина лагеринде жайгашкан. Бул жерде топтун 300 дөн ашык куралданган мүчөлөрү бар. «Асбат аль-Ансар» жашыруун түрдө «Аль-Каидага» ант берип, «Аль-Каиданын» тармагы менен тыгыз байланышта болгон. Алар негизинен согушкерлерге финансылык жардам көрсөтүшчү. 2007-жылы июнда Ливан бийлиги Бекаа өрөнүндө Ирак- тагы «Ал«-Каида» уюмуна таандык экстремисттердин тобун кармашкан. Алар «Асбат аль-Ансар» менен бирге даярданып, Ливандын аймагында жайгашкан Ливандагы Бириккен Улут- тар Уюмунун Убактылуу Күчтөрүнүн (ЛБУУУК) аскер кызматкерлерине жана башка объектилерге террордук кол салууну пландаштырышкан. 1990-жылдын ортосунда бул топ Ливандык дин лидерлерин өлтүрүшүп, түнкү клубдарды, театрларды жана шарап саткан дүкөндөрдү жардырышкан. Алар 1999-жылы декабрда Түндүк Ливанда болгон кагылышууларга катышкан жана 2000-жылы январда Бейруттагы Россия Федерациясынын элчилигине гранатометтон ок ачкан. 2004-жылы сентябрда топ менен байланышта болгон согушкерлер Италиянын элчилигине, Украинанын башкы консулдугуна жана Ливандын өкмөттүк мекемелернне террордук кол салууларды пландаш¬тырышкан. 2004-жылы октябрда «Асбат аль-Ансардын» мучөсү Махир ас-Саадиге, 2000-жылы Ливандагы Америка Кошмо Штаттарынын элчиси өлтүрүүнү пландаштыргандыгы үчүн өмүр бою камакка алуу өкүмү чыгарылган.