Атыр Абдрахматова

	Атыр Абдрахматова
Март, 2022
Өкмөт башчысы:	Акылбек Жапаров
Президент:	Садыр Жапаров
Туулган жери:	Фрунзе
Билими:	Кыргыз Улуттук Университети (КУУ)
Кесиби:	Юриспруденция

Атыр Абдрахматова (төр. 7-февраль 1981; Фрунзе шаары, Кыргыз ССРи, СССР) — Кыргызстандык саясатчы жана мамлекеттик ишмер. 2016-жылдын июнь айынан 2017-жылдын октябрына чейин Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары болгон. 2022-жылдын март айында Кыргыз Республикасынын Жогорку Кеңешинде Кыргыз Республикасынын Акыйкатчысы (Омбудсмени) болуп шайланган.

Билими

Юридикалык жогорку билими бар.

1998-2003 - Жусуп Баласагын атындагы Кыргыз Улуттук Университети, юриспруденция адистиги, артыкчылыгы бар диплом.
2004-2005 - Кыргыз-Россия Славян университетинин Кайра даярдоо борбору, адистиги: Маркетинг, реклама жана паблик рилейшнз менеджменти.

Ишмердүүлүгү

Эмгек жолун 2000-жылы калктын муктаж болгон катмарына жарандык-укуктук маселелер боюнча акысыз юридикалык кызмат көрсөтүү боюнча «Жардам» долбоорунун консультанты болуп баштаган.

2022-азыркы убакыт - Кыргыз Республикасынын Акыйкатчысы (Омбудсмени)
2016-2017-жылдары - Кыргыз Республикасынын Борбордук шайлоо комиссиясынын төрагасынын орун басары
2016-2020-жылдары - Кыргыз Республикасынын Борбордук шайлоо комиссиясынын мүчөсү
2007-2009 - «Оберон» ЖЧКсынын юристи;
2005-2007-жылдары - Кыргыз Республикасынын Жогорку Кеңешинин депутатынын жардамчысы
2004-2005-жылдары - Кыргыз Республикасынын Жогорку Кеңешинин Мыйзам чыгаруу жыйынынын төрагасынын орун басарынын жардамчысы.
2003-2004-жылдары - Кыргыз Республикасынын Жогорку Кеңешинин Мыйзам чыгаруу жыйынынын депутатынын жардамчысы.
2000-2001 - Калктын муктаж болгон катмарына жарандык-укуктук маселелер боюнча акысыз юридикалык кызмат көрсөтүү боюнча «Жардам» долбоорунун консультанты.

Шилтемелер