Беш-Таш суусу
Беш-Таш
| |
|---|---|
| Мүнөздөмө | |
| Узундугу | 54 км |
| бассейндин аянты | 314 км² |
| Жайгашкан орду | |
| Өлкө |  Кыргызстан
|
| Област | Талас облусу |
| Район | Талас району |
Беш-Таш суусу - Талас районундагы суу, Талас дарыясынын сол куймасы. Узундугу 54 км, алабынын аянты 314 км2. Талас Ала-Тоосунун борбордук бөлүгүндөгү Бешташ ашуусундагы мөңгүдөн башталып, кууш Бешташ капчыгайы аркылуу түндүк-батышты карай агат. Талас өрөөнүнө чыкканда түндүккө бурулат. Жылдык орточо чыгымы 3,55 м3/сек; байкалган эң көп чыгымы 55,4 м3/сек, эң азы 0,37 м3/сек. Июнь айында кирип, августта тартылат. Жалпы узундугу 192 км ге жеткен 88 куймасы бар. Эң ирилери: Кайыңды, Өмүр, Карагайлы, Терек, Туюктөр, Коргоншанык (сол), Корумду, Кыркколот, Төбөй, Атчыкпас (оң). Алабында жалпы аянты 0,79 км2 келген 7 тоо көлү бар; эң ириси Бешташ көлү. Сугатка пайдаланылат. Боюнда Козучак, Балбал, Хивинка кыштагы жайгашкан.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4