Бухара Советтик Эл Республикасы

Бухара Советтик Эл Республикасы (БСЭР) – 1920-ж. 8-октябрда түзүлгөн. Бухара хандыгынын аймагынан орун алып, аянты 18,2 миң км², калкы 2,2 млн киши болгон. 1924-ж. 19-сентябрда БСЭР Советтеринин 5-курултайында республиканы социалисттик деп жарыялап, анын СССРдин курамына кошулушу жөнүндө чечим кабыл алынган. Ошол эле жылдын октябрь айында Орто Азия республикаларынын улуттук-мамлекеттик чегараларын белгилөөгө байланыштуу жоюлуп, анын аймактары жаңыдан түзүлгөн Өзбек жана Түркмөн ССРлеринин, ошондой эле Тажик АССРинин курамына кирген.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4