Валентина Шевченко

Wikipedia дан
Jump to navigation Jump to search
Валентина Шевченко
Valentina Shevchenko 2014.jpg
Жеке маалыматы
Жынысы

Аял

Жарандыгы

Flag of Kyrgyzstan.svg Кыргызстан
Flag of Peru (state).svg Перу

Чеберчилиги

Таеквондо и Бокс

Клубу

Tiger Muay Thai

Төрөлгөн датасы

7 -март 1988(1988-03-07) (31 жаш)

Төрөлгөн жери

Фрунзе, Кыргыз ССРи, СССР. (Кыргызстан)

Спорттук карьерасы

2003- азыркы учурда

машыктыруучу

Павел Федотов

Бою

165 см

Салмагы

61 кг, 57 кг

Lua error: bad argument #1 to 'gsub' (string expected, got nil).

Valentina Shevchenko (fighter)

Валентина Шевченко − муай тай жана аралаш согуш өнөрлөр мушкери. 1988-жылы Кыргызстанда Фрунзе шаарында төрөлгөн. UFC (Ultimate Fighting Championship) чемпионатында аялдардын эң жеңил салмак категориясындагы чемпион(09.12.2018).[1] Каймана аты - Bullet (англ. - ок). 2017-жылдын 7-июлунда UFC Fighting Ranking рейтингинде аялдардын эң жеңил салмак категориясында №1 орунду ээлеп турат. [2]

Өмүр баяны[оңдоо | булагын оңдоо]

Валентина Шевченко Кыргыз Республикасынын Фрунзе шаарында 1988-жылы 7-мартта орус улутундагы үй бүлөдө туулган жана мушташ спортуна кызыгуусу бала кезинен арткан. 5 жашында спорт менен машыккан энеси жана эжеси Антонинанын таасири аркылуу таэквондо менен машыга баштаган.[3] 12 жашында муайтай кикбоксунда, андан соң вале-тудо эрежесиз күрөшүндө өз күчүн сынаган. Валентинанын кикбокс спортундагы карьерасы Кыргызстанда, 12 жашында 22 жаштагы каршылашын нокаутка кетирип, машыктыруучусу Павел Федотовдон рингдеги тез, ыкчам кыймылы үчүн "Ок" лакап атын алуу менен башталган.[4][5]

Кикбоксер катары жетишкендиктери[оңдоо | булагын оңдоо]

Валентина кикбоксинг жана муайтай боюнча бир катар титулдарга ээ: Муайтай эл аралык федерациясынын сүйүүчүлөрдүн дүйнөлүк чемпионаты (International Federation of Muaythai Amateur World Championships) жана Дүйнөлүк муайтай кеңеши Валентинага дүйнөдөгү эң мыкты аял муайтай мушкери деп жогору баа берген.[6][7][8] В. Шевченконун Муайтай/К-1 боюнча адистик эсеби 56-2, ал Йоанна Йенжейчик жана Кэли Рис сыяктуу мушкерлерди жеңген.

Аралаш согуш өнөрлөрүндөгү жетишкендиктери[оңдоо | булагын оңдоо]

Баштапкы жолу[оңдоо | булагын оңдоо]

Валентина аралаш согуш өнөрлөрүн профессионалдык деңгээлде 2003-жылдан бери машыгып келет, таймаштар саны 14-2 (14 жеңиш, 2 утулуш).

Legacy Fighting Championship[оңдоо | булагын оңдоо]

2014-ж. Legacy FC мушкер чемпионаты Валентина Шевченко менен MMA жана кикбоксингке катышуу боюнча келишим түзгөндүгүн жарыялаган.[9] 2015-ж. 27-февралында В. Шевченко Жен Финни менен 39-Legacy Fighting Championship чемпионатында беттешип, калыстардын бир добуштан чечими менен жеңип алган.[10]

Ultimate Fighting Championship[оңдоо | булагын оңдоо]

Шевченконун UFC дебюту UFC on Fox17 спорт таймашында Жермейн де Рандаминини тез арада алмаштыруу керек болгондо, Сара Кауфманга каршы чыгуу менен ишке ашкан.[11] Ал мушташты упайлар саны боюнча уткан. [12][13]

UFC катарларында илгерилөө максатындагы 2-урушунда Шевченко Аманда Нунес менен 2016-жылы 5-мартта UFC 196 таймашында беттешкен. 3-раундда таасирдүү жана күчтүү чыккандыгына карабастан 1-2 раунддардагы салыштырмалуу жай баштоосу упайларды Нунеске ыйгарууга шарт түзгөн. Аманда Нунес Шевченко менен болгон мушташты бир добуштан уткан.

3-илгерилөө беттешүүсү UFC'нин эң жеңил салмагындагы мурунку чемпиону Холли Холм менен UFC on Fox'то 2016-жылы 23-июлда өткөн. Шевченко 1-раундду Холмго мушташты уттургандан соң маанайы түшпөй, бардык күчүн топтоп, 2-3 раунддарда жеңишке умтулган. Калыстар анын үстөмдүгүн бир добуштан таанышкан.

Валентина Шевченконун Жулианна Пенья менен эң жеңил салмактагы чемпиондук наамын талашууга талапкерди аныктаган беттеши UFC on Fox'то 2017-жылдын 28-январында өткөн. Валентина 2-раундда кайрып оорутуу ыкмасын колдонуп, мушташты уткан. Ошондой эле бул жеңиш Шевченкого алгачкы «Кеченин мушташы» бонусун алып келген.[14] Учурда Шевченко аялдардын эң жеңил салмактуу категориясынын чемпиону Аманда Нунес менен беттешүүсү 2017-жылы 8-июлда UFC 213 иш чарасында күтүлүүдө.[15]

Шилтемелер[оңдоо | булагын оңдоо]

  1. UFC Fighter Rankings (англ.). ufc.com. Текшерилген күнү 12 Декабрь (Бештин айы) 2015.
  2. UFC Fighting Ranking. Текшерилген күнү 7 Июль (Теке) 2017.
  3. Valentina Shevchenko Talks Cross Sport Success; Signing to Legacy MMA. Wombat Sports. Текшерилген күнү 10 Февраль (Бирдин айы) 2015.
  4. Women's Boxing: Valentina Shevchenko Biography. Wban.org. Текшерилген күнү 12 Декабрь (Бештин айы) 2015.
  5. Edwards, Lance Legacy Fighting Championship 39 – Valentina Shevchenko | LEGACY FIGHTING CHAMPIONSHIP – PROFESSIONAL MIXED MARTIAL ART PROMOTION. Текшерилген күнү 12 Декабрь (Бештин айы) 2015.
  6. Valentina "Bullet" Shevchenko the Pride of Muaythai, WMC. Проверено 17 Январь (Үчтүн айы) 2015.
  7. Valentina Shevchenko se coronó campeona en el Woman World Gran Prix de China (Spanish). La Republica. Текшерилген күнү 15 Декабрь (Бештин айы) 2015.
  8. Athlete of the Month. Текшерилген күнү 12 Декабрь (Бештин айы) 2015.
  9. Legacy FC adds pro kickboxing to its resume for January debut on AXS TV, MMA Junkie. Проверено 27 Октябрь (Тогуздун айы) 2014.
  10. Welcome to the UFC, Valentina Shevchenko. Bloody Elbow. Текшерилген күнү 18 Декабрь (Бештин айы) 2015.
  11. de Randamie out, Shevchenko to debut against Kaufman, UFC.com (11 Декабрь (Бештин айы) 2015). Проверено 11 Декабрь (Бештин айы) 2015.
  12. Martin, Damon Valentina Shevchenko upsets Sarah Kaufman in UFC debut. FOX Sports (16 Декабрь (Бештин айы) 2015). Текшерилген күнү 20 Декабрь (Бештин айы) 2015.
  13. Stupp, Dann UFC on FOX 17 results: Late replacement Valentina Shevchenko stifles Sarah Kaufman (15 Декабрь (Бештин айы) 2015). Текшерилген күнү 20 Декабрь (Бештин айы) 2015.
  14. Staff. UFC on FOX 23 bonuses: Valentina Shevchenko, Jorge Masvidal among $50,000 extra winners. mmajunkie.com (28 Январь (Үчтүн айы) 2017). Текшерилген күнү 29 Январь (Үчтүн айы) 2017.
  15. Sherdog.com Shevchenko Expects ‘Totally Different Fight’ in Future Rematch vs. UFC Champ Nunes.

Кошумча шилтемелер[оңдоо | булагын оңдоо]

Валентина Шевченконун UFC сайтындагы профайлы