Википедия:Сомо/Күлазык

Күлазык – байыркы кыргыздардын жоокерчилик доорунда колдонулган жол азыгы болуп эсептелген. Кыргыздар күлазыктын ар түрдүү жасалыш жолдорун билишкен. Тай этин адегенде сөөгүнөн ажыратып, түнкүсүн тышка жайып желдеткен, күндүзү алдына жалбыз төшөп, үстүнө чий жаап кургаткан. Кургаган этти жаргылчакка тартып, ага мээр чөп же талкан кошкон. Кай бирлери этти майда туурап майга кууруп, туздап, талканга аралаштырган. Күлазыкты капка же тулупка салып, чыгданга серүүн жерге сакташкан.

Түзгөн: Алиева Ф. Кыргыз тили Ош 2006