Гематит

Гематит - (гр. hеima кан), темир жаркырагы, кровавик темирдин кеңири тараган минералы. Химиялык формуласы Fe₂O₃. Курамында титан (11%), алюминий (14%) жана марганец (17%ке чейин) кездешет. Тригон сингониясында кристаллданат. Өңү кара, боз, кээси кызыл. Катуулугу Моос шкаласы боюнча 66,5; тыгыздыгы 5,3 г/см³. Гематит окистенүү шартында пайда болуп, түрдүү типтеги кендерде жана ар кандай тоотектерде кездешет. Гематит темирдин негизги кенташтарынын бири. Боёк жана майда кооз зер буюмдарды жасоодо колдонулат.

Колдонулган адабияттар

“Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4