Геофизикалык аномалия

Геофизикалык аномалия — жер кыртышындагы түрдүү физ. кубулуштардын кадыресе (б. а. теория боюнча чамаланган) өлчөмдөн кескин айырмаланышы.

Геофизикалык аномалияларга гравитациялык, электр-магниттик, магниттик, геотермикалык ж. б. аномалиялар кирет. Аларды аныктоо үчүн геофизикалык чалгындоо методдор колдонулуп, физ. кубулуштун сан маа­ниси өлчөнөт. Геофизикалык аномалиялар Жердин ички түзүлүшүн, геол. структураларды изилдөөдө, кен издөөдө жана чалгындоодо пайдаланылат.

Колдонулган адабияттар

Кыргыз Совет Энциклопедиясы. Башкы редактор Б. О. Орузбаев. -Фрунзе: Кыргыз Совет Энциклопедиясынын башкы редакциясы, 1977. Том 2. В - Иридий. -672 б.