Жапалак кыштагы

Жапалак кыштагы – Ош облусундагы кыштак. Ош шаар кеңешине караштуу. Ош – Ноокат автомобиль жолунун боюнда, деңиз деңгээлинен 940 м бийикте жайгашкан. Облустун борбору Ош шаарынан жана т. ж. бекетинен 5 км батыш тарапта. Калкы 3648 (2007); негизинен дыйканчылыкта эмгектенет. Орто мектеп, бала бакча, маданият үйү, китепкана бар. Жол оңдоочу ишкана, турмуш-тиричилик кызматынын бөлүмдөрү, соода түйүндөрү, тамактануучу жайлар иштейт.

Колдонулган адабияттар

• “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14—046—1