Жуманазаров, Сатымкул

Википедия дан
Жуманазаров Сатымкул

Жуманазаров Сатымкул (1951-ж. т., Кара-Буура району, Жоон-Дөбө айылы-2007) — спортчу, жөө күлүк, СССР спортунун эл аралык класстагы чебери (1979). СССР спортуна эмгек сиңирген чебер (1981).
1980-ж. Кыргыз мамлекеттик дене тарбия институтун бүтүргөн.
1985—91-жылдары Бишкек шаарындагы «Колхозчу» ыктыярдуу спорт коомунда: «Эмгек резервдери» ыктыярдуу спорт коомунда машыктыргыч, 1992-жылдан Тоң районунун Кажы-Сай шаарчасындагы спорт комплексинде башкы директор. Жеңил атлетика менен 1968-жылдан машыгат.
1974-ж. «Правда» гезитинин байгесине арналган жеңил атлетикалык кросстун бүткүл союздук финалында 14 км аралыкка чуркоодо 2-орунга чыккан, СССРдин чемпионатында 10 км аралыкка чуркоодо коло жана күмүш медалдарга ээ болгон.
1980-ж. Москва шаарында өткөн 22-Олимпиялык оюндарда 42 км 195 м аралыкты 2 саат 11 мин 16 секундада чуркап өтүп, советтик марафончулардын олимпиялык жарышка катышуу тарыхында 1-жолу 3-орунду ээлеп, коло медалды жеңип алган.
1977—80-ж. СССР чемпионаттарында кумүш медалдарды алган. Япония, Германия, Греция, Финляндияда өткөрүлгөн марафондук чуркоолордо да жеңиштерге жетишкен. Медалдар менен сыйланган.

Колдонулган адабияттар[түзөтүү | булагын түзөтүү]

Айрым шилтемелер[түзөтүү | булагын түзөтүү]

Сатымкулдай күлүк чыгар бекен?
Бишкекте Сатымкул Жуманазаров атындагы сыйлыктар тапшырылды(жеткиликсиз шилтеме)
ДАҢАЗАЛУУ ЖӨӨ КҮЛҮК САТЫМКУЛ ЖУМАНАЗАРОВ КАЗА БОЛДУ