Иравади

Иравади, Ирравади – Мьянмадагы суусу мол дарыя (башаты Кытайда). Узундугу 2150 км, алабынын аянты 430 миң км². Гималай тоолорунун чыгыш тармактарынан башталып, түштүктө Шань тайпак тоосун кеспп өтүп, Иравади түздүгү аркылуу агат. Андаман деңизпне куярда дельтаны (аянты 30 миң км²дей) пайда кылат. Негизги куймасы Чиндуин (оң). Орто чыгымы 13-14 миң м³/сек, режими муссондук, жайында кирет (айрым жерлерде суунун деңгээлп 811 мге чейин көтөрүлөт). Алаамат суу каптоо болуп турат. Төмөнкү агымында деңиз ташкынынын таасиринен толкундун бийиктиги 4-4,5 мге жетет. Чатынан 1100 км аралыкка кеме жүрөт. Сугатка пайдаланылат; жогорку агымында сал агызылат. Боюнда Мандалай шаары, дельтасында Янгон (мурдагы Рангун) деңиз порту жайгашкан.

Колдонулган адабияттар

“Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5