Каныкей (ырчы)
 Каныкей
| |
| Толук ысымы |
Каныкей Алымбекова |
|---|---|
| Туулган датасы |
16 -октябрь 1987 (37 жаш) |
| Туулган жери | |
| Өлкө | |
| Активдүү жылдары |
2009 — азыркы учур |
| Кызматташтык |
XTZ, OAKLAND тобу, Бактыгүл Бокоева |
Каныкей Алымбекова (16-октябрь 1987, Токмок, Чүй облусу, Кыргыз ССР) — кыргызстандык ырчы, аткаруучу, ырлардын автору.
Өмүр баяны
[түзөтүү | булагын түзөтүү]Балалыгы
[түзөтүү | булагын түзөтүү]Каныкей Алымбекова 1987-жылы 16-октябрьда Чүй облусунун Токмок шаарында туулган. Ырчы айым карапайым үй-бүлөдөн чыккан, өзүнүн балалыгын Каныкей төмөнкүдөй эстейт:
"Кичинемден эле музыкага шыгым бар болчу, мектепте окуп жүргөндө бир да кароо-сынакты калтырбай катышчумун, ыр жазчумун. Балалыгымды эстесем, талаада кулпунай терип жүргөн күндөрүм эске түшөт. Таттуу балалыкты башымдан кечирдим деп айта албайм. Жакыр үй-бүлөдө өсүп-чоӊойдум. Ал кезде азыркыдай ырчы Каныкей болорум үч уктасам да түшүмө кирчү эмес"
3-4-класс кезинде апасы турмуш шартка байланыштуу Орусияга иштегени кетип, Каныкей туугандарынын колунда калган. Ата-энеси Каныкей 5-класста окуп жатканда ажырашып кетишкен, бирок атасы менен мамилесин үзбөй кабарлашып турган. Ырчы жаӊы чыгармачылыкка аттанган кезде атасы каза болуп калган. Атасы жөнүндө төмөнкүдөй айтканы бар:
"Өкүнгөнүм, ал менин жарк деп күйүп, атактуу болгонумду көрбөй кетти... Атамдын арбагы мени колдоп жүрөрүнө ишенем"
Билими
[түзөтүү | булагын түзөтүү]Мураталы Күрөӊкеев атындагы музыкалык училищенин эстрадалык вокал жана Кыргызстан эл аралык университетинин финансы жана кредит бөлүмүн бүтүрүп, Кыргыз улуттук консерваториясынан да билим алган.
Алгачкы кадамдар
[түзөтүү | булагын түзөтүү]2005-жылы Токмоктон мектепти бүтүп, Бишкекке келип ырчы болом деп бир топ сынактарга катышкан. Ошондой бир сынактардын биринде продюсер Мамасадык Багышевге жолугуп калган.
Продюсери Мамасадык Багышев менен расмий түрдө 2006-жылдан тарта иштеше баштаган. Ырчыны үч жылдай даярдап, 2009-жылы гана ыр жаздырып, клип тартып, образын иштеп сахнага чыгарган. Алгач "Коё бергин мени, кайгы" деген ырына клип тарткан.
Жеке жашоосу
[түзөтүү | булагын түзөтүү]2014-жылы 21-мартта Каныкей Медер аттуу балага турмушка чыккан.
2015-жылдын 11-ноябрында Алим аттуу уулдуу болушкан.
2018-жылы 24-сентябрь күнү жаш жубайлар кыздуу болуп, атын Акмарал деп коюшкан.