Киров, Панфилов району

Киров, Панфилов району — Чүй областынын Панфилов районундагы кыштак. Күрпүлдөк айыл округуна караштуу. Деңиз деңгээлинен 685 м бийиктикте жайгашкан. Райондун борбору жана темир жол станциясы Кайыңды шаарчасынан 19 км түштүк тарапта. Калкы 1005 (2008); негизинен дыйкан чарбаларында эмгектенип, мал менен алектенет. Орто мектеп, китепкана, ФАП бар. Үй-бүлөлүк врачтар тобу иштейт. Улуу Ата Мекендик согушта курман болгондорго эстелик тургузулган.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9